UAP: Unang
Araw ng Pasukan
Karen!!!! Nagulat ako sa pagsigaw ni ate. Agad-agad akong bumaba at
sobrang gulo pa ng buhok ko. Akala ko naman late na ako sa oras ng pasok ko .
Sus! 7:10 pa lang! Mamaya pang 10:00 ang pasok ko! Si ate talaga mas excited pa
sakin. Pero wala na akong nagawa kaya nag-almusal na ako.
Wow!! suot-suot ko na
ulit ang school uniform ko. Parang sarcastic
ang dating. Haha. Sige na nga … hindi ako gaanong excited, bitin kasi ang
bakasyon. 9:30 na pala, papasok na ako. Ang bigat ng bag ko kahit wala pang
libro. Buti na lang at may tricycle
papaakyat sa school namin.
May konting kaba dahil bago ang mga teachers
pero ng malaman ko na ang adviser namin ay teacher namin nung first year ay may
konting relieve. Haha. Tapos yung mga classmate ko pareho lang, may ilang
nadagdag lang. tapos 50 lang kami. Ang saya.
Bago kami nagsimula ay
pinalabas muna kami. Naku! Orientation na naman! Ang init-init e. Pero sige
kailangan makinig e. Nang matapos na ay dumiretso kami agad sa room namin
atsaka kinuha ang sizes namin para sa ipamimigay na bagong uniform.
Grabe! Kahit konti lang kami ay tila kulang
ang 5 oras para sa pagkukwento sa mga pangyayaring sa nagdaang bakasyon. At ang
bago naming adviser ay tila nabinyagan ng kaingayan namin. Pero ang pagtahimik
niya ay tila senyales na kailangan na naming tumahimik.
At ang buong talakayan namin ay naging magaan
dahil na rin sa aming guro.
Alam ko, may iba’t iba tayong karanasan sa
unang araw ng pasukan; may nagiging maganda at may ilang epic ang kinakalabasan.
Pero iisa tayong may kagustuhang maging maganda ang buong taon ng ating
pag-aaral at matapos na may natutunan.
Walang komento:
Mag-post ng isang Komento