TALAARAWAN: ika-14 ng Pebrero; 2014; Biyernes

        Ngayong araw ay ginanap ang Juniors and Seniors Promenade sa paaralan namin.  Isa ito sa inaabangan at kinasasabikang maranasan ng mga highschool students. Sabi nga ng ilan hindi kumpleto ang highschool life kung hindi mo naranasan ang JS Prom. Napakasaya ng gabing ito. Nakita ko ang mga kamag-aral ko na mag-ayos para sa aming pinakahihintay na gabi. 

        Isa ang gabing ito sa sinasabing gabi ng mga puso.At bilang araw at gabi ito ng mga puso narito ang isa sa mga sanaysay na nagawa ko namay kaugnayan sa pag-ibig pa rin.

Source:http://www.idlehearts.com/true-love-is-worth-waiting-for-even-if-it/141

                                  True Love

       Araw-araw,oras-oras, minu-minuto at segu-segundo ay tumitibok ang ating puso. Tumitibok ito para mabuhay tayo at syempre para magmahal.Lahat tayo ay nagmahal, minahal, At patuloy na nagmamahal at minamahal.Unang minahal ng ating mga magulang ang isa't isa kung kaya't nabuo tayo.Sumunod tayong minahal at patuloy na minamahalng ating mga magulang kung kaya't hinayaan nila tayong makita ang mundo.At syempre tayo naman ngayon ang naghahanap ng magmamahal sa atin bukod sa ating pamilya. Lahat naman siguro ang hanap ay panghabangbuhay na relasyonkung kaya't madalas nating hinahanap ang ating "true love". Sino ba siya? Saan ba siya matatagpuan? Kailan ko ba siya makikita?

        Sa sobrang pagpapahalaga natin sa ating pagmamahalnagkaroon ng espesyal na araw ng mga puso. Araw na kung saan malaya mong maipapahayag ang iyong pagmamahal sa isang tao. Araw din ito na kung saan puno ang iba't ibang pasyalan ng mga magsing-irog na nais magsaya. Ang pinakasayang araw na ito para sa mga magkasintahan ay siya namang kabaligtaran ng mga taong patuloy na naghahanap ng kanilang true love.

         Sa paligid ng Quiapo madalas naghahanap ng kasagutan ang mga naghahanap sa kanilang truelove.May ilan na ang kinakapitan ay ang prediksyon ng mga manghuhula. May ilan namang sa mismong simbahan ng Quiapo ang tungo at ihihiling na lang ang nais. May ilan namang naniniwala na isang araw ay makakasalubong na lang nila ito, suot-suot ang mga palatandaang nilista nila sa kanilang puso. Na... nakasuot ang true love nila ng puting damit, nakapantalon at minsan pa ang iba ay nais na umuulan.

         Madalas nagmamadali tayong makita at mahanap ang ating true love,pero kadalasan din na natatagpuan natin ito sa hindi inaasahang panahon at sitwasyon. Kung kailan hindi natin naayos ang pisikal nating hitsura. Kung kailan natutunan na nating mahalin ang iba, dahil sa nainip na tayo kahihintay sa kanya. Kung saan nasa sitwasyon ka na mamimili ka pa sa taong minahal ka at mahal mo na o sa taong matagal mong hinintay na dumating. 

        Ang true love talaga ang tunay na makakapagpasaya sa atin. Kung sino ang makapagbibigay nito ay walang sinumang nakakaalam maliban sa Couple's Master List ng Panginoong Hesus. Doon nakatadhana at nakalista ang mga makakasama sa buhay at magpapamalas sa atin nag isa sa natatanging emosyon--True love