Talaarawan: ika-25 ng Disyembre

source: http://www.pinoyexchange.com/forums/showthread.php?t=543703&page=244

                                  Araw ng Pagbibigayan
    Maligayang Pasko! Ngayong araw paggising ko ay agad kong binati ang mama ko. Sinundan ng pagbati ko sa ibang miyembro ng aming pamilya syempre kasama doon ang aso ko.Pagbukas namin ng aming tindahan ay agad kaming sinalubong ng mga batang inaanak nila mama. Nagmano sila kay mama at papa at binati ng maligayang Pasko. Grabe nakakatuwa sila.
     Maya-maya ay dumating naman ang mga kamag-anak namin. Para na rin kaming nagreunion sa sobrang dami ng pumunta. Nakakatuwa dahil nagkita ulit kami ng mga pinsan ko. Nagkantahan kami. Pagdating ng gabi ay umuwi na rin sila, pero sulit naman ang pagpunta nila sa amin at syempre dahil naging sulit ang pagkikita-kita namin.
      Pag-alis nila ay may dumadating pa ring mga inaanak nila mama. Pero ang pinakagusto kong parte ay yung binigyan ni mama ang mga bata sa amin ng kaunting regalo at tuwang-tuwa sila. Tunay nga talaga na ang Pasko ay ang araw ng pagbibigayan.